Friday, August 10, 2007

狀態之路了。接受，不是接受。接受之後，還有享受，還有欣賞。忍受，則只有隱藏，只有逃避，耐力不 足，矛盾又要出現了。

接 受自己的感覺，是不接受自己的人難以明白的。不接受自己，就是感到自己"應該"是怎樣，但自己"不是"，那是一種恐懼，一種害羞，一 種隱藏的自卑感。害怕 別人"不接受"自己，其實前提就是自己"接受"不了自己。之前，看<<The Voice of Knowledge>>談到很多自己如何"學習知識"去"分辦善惡"。當我們懂得分辦善惡，便否定了自己的"真"。這種 覺得自己"應該" 善，"不應該"不善"的壓力，讓我們難以面對"真我"。這"善惡知識"讓我們向善避惡的壓力，成為我們放棄自我，忍受自我的窒息感， 讓我們失去理想的"真 我"。要自由，不是要認識"自己"，其實是"接受"自己的一切，包括過去、現在以及未來。

接受別人的感覺，不如說是接受世界的感覺。真我 是有"理想"的，但現實始終不如"理想"。那種對現實的失望及無奈，就是"忍受"現實的感覺了。這種忍受，可以適應，可以習慣，但忍 受歸忍受，始終還是隱 隱作痛。如果不接受自己是失去自由的重感覺，那不接受現實就是虛無的輕感覺了。最難"忍受"的現實，莫過於死亡了。死亡不止是痛楚， 而且還有對未來的不安 及對現在的一切失去的痛苦。忍受痛楚便是痛苦了，接受痛苦卻感到甘甜。

神愛我們，也想我們愛自己及回應祂的愛。穿越對自己的"應該"及"不應該"，以及對世界的"應該"及"不應該"，才可以真我回歸真的 世界。那自由而舒適的感覺，只有體會過才能明白呢～

接受是放手，而不是放棄。我開始明白神、道、佛、天人交感、慎終追遠、心靈自由及超人等的中西道理了，原來"同出而異名，同謂之玄，玄 之又玄，眾妙之門"。接受只是門，奧妙之旅才剛開始～"子日：三十而立，四十而不感，五十而知天命，六十而耳順，七十而從心所慾， 不逾矩～"

感謝路上幫助我，啟發我的一切人及物！

---

2007/5

---

Monday, May 21, 2007

24歲生日

今日生日, 今日落兩, 今日要被迫返學上無聊的堂

今晚，同Leon, Toby, Peter, Anita, Kit, Orca, Ambrose, Floss佢地到黃埔的金水壽司食飯。佢地並不是全部互相認識，但整體氣氛也不錯～我會想慢慢把我的朋友聯繫起來～越多人，力量越大，快樂越大呢～最後品 嚐倒Toby親手整的四葉草咖啡芝士蛋糕，真係掂！我通常乜都話好食，但連Ambrose&Kit都話掂，即係掂啦～

我是喜歡食日本菜的，一方面是因為我喜歡吃魚生，另一方面是因為日本菜通 常冇咁肥膩。不過yan問我有冇飲Sake．．．係喎！咁大個仔都未飲過，應該試一下～

之前幾年的願望都成真，而且超埋標，今年的目標十分明確，希望都掂啦～

考 完試，Holiday Mood很強，加上飯局多，睇黎收拾心情得黎，又要開始準備註冊試了～怎麼考試是陰魂不散呢？自由的時間真是短期，看來真正自由還要等待八月份考埋面試。 現在放在投資的時間少了，除了因為要考試，另一方面是現在股市實在非常熾熱，財技四出，要通過十幾廿條的風險評估，進入可研究的範圍，而股價又吸引 的．．．實在很少．．．現在市場風險上升了，那定價就要拿得更嚴，那股市暴跌時，也不致重傷嘛。咁悶既野，都係留返講投資再講吧～

記得上年 生日正日，真係好頹，好似同朋友去找經紀開戶口後，我一個人就去左食肯德基的肥人餐。真係好耐冇食，真係好肥！雖然那天是一個人，但諗好多野．．．雖然多 野諗，但可能係自己留意倒自己負面的思想，加上學左The Structure of Magic的語意分析方法，所以唔俾負面思想Loop，心情很多時都是開朗的，思想也是正面的。

---

2007/4

---

Friday, April 20, 2007
(Exam is hard, but the days with Ziv and Oasis and sometimes Ricky are quite funny and memorable~ I would remember it for the rest of my life~)

畢業考試的痛苦：

人生苦短，我每天為何要為考試而活著！？
為何色彩繽紛的人生，會變成現在那麼無聊！
就是為了那無用的沙紙！

我放下了學習的習慣，放下了快樂的心情，放下熱愛自由的性格，放下爭勝的鬥志，放下追求愛情的響往，放下自強的動力，放下了對自己健康的關注．．．為的就 是一個極度無聊的考試！

我討厭自己被這世俗的規條扭曲著自己的本性！現在正在跟原我來一場浩大的角力．．．這難免會傷害跟自己的感情．．．但這是不能避免的．．．

為什麼還要繼續下去．．．
這一切，我想都是出於我對父母的愛．．．Just for you！

後記：
那是一個抑鬱的過程。正如死亡心理一樣，心理都會出現不同的階段：
１否認
２憤怒
３協議
４抑鬱
５接受（未必出現）

人終要一死，但即使要死，也要死得燦爛。今日狂溫１２小時，盡力而為，死又何妨？

業績期，加上套現頻繁，加大了尋求新目標的動力。觀察表中的，都不乖乖地跌到吸引的位置，貓捕雀，不小心，鳥就飛走了。現在競爭者眾，真不容易！不能退而 求其次，好的東西買少見少，我又個性固執，偏不想買入應該賣出的東西（hm..雖然這是會賺錢的）。

沒東西買不緊要，最重要是方法正確。退而求其次，或可勝，或不可勝，但始終讓我不敢大舉出擊，效益不比靜心等待，以逸待勞的好。先為不可勝，而待敵之可 勝。不輸便是羸，一羸便要全羸。孫子兵法的訓示，我還是會銘記於心的！

---

2007/2

---

Sunday, February 25, 2007

寧靜的星期日：

尋日考完試了～又係時候準備考試～

在偷閒的時間，看著<<Further Along The Road Less Traveled>>，又是一本等著的好書～證券心理學還在我的枱頭，現在又要開齋了～不完的讀書計劃，是我生活的一部份。永不完見的學習旅 程，陪伴著我的一生，白頭到老。

遇上極人後，獲得朋友的慰問。其實我也很少動肝氣，只是看見自己討厭的事情，一時感觸，發洩一下吧了～

近 排有個報告話，香港女多男少，女仔難ｄ搵伴侶，更大問題係，好多男人都返大陸聚老婆。我諗除左係人數之外，某程度上，同香港的文化有些關係。會是男仔衰的 問題嗎？全亞洲，要數對女仔好，香港男仔出名數一數二。你看台灣、日本、中國、馬來西亞．．．會是女仔衰的問題嗎？我認為有ｄ害群之馬。香港出現港女等詞 語，其實某程度上反影出香港某些人對某類女仔側目。我認為，大部份女仔，其實都係十分善良。對港女的形象，。然而，那一手份女仔，真係影響香港女性的形 象，男仔想回避她，女仔們，其實也要小心港女的存在與感染力。然而，我想更重要的，其實是香港人責任與地位的演化所造成的。

香港地小人 多，人與人之間的磨擦大了。加上資訊發達，日新月異，主流文化容易形成及傳播，讓人們容易偏重大眾文化而減低對個性的重視。我們的教育都側重於知識教育， 而道德及人文教育則十分落後，這是香港人的不幸。結果，在欠缺核心修養及後天側重主流文化的情況下，心靈就沒有根了。心靈只能隨著主流文化而力爭同化，那 回歸自我的道路，變得相當痛苦及不安全。

Scott Peck說得有趣：佢話好多人根本未成長，很多成年人，其實只是一些穿著成人外表的小朋友。佢稱之為”Second Childhood"。實際上，不是成了小朋友，而係根本那些人未離開過"Childhood"。成長之路，是相當痛苦，而又相當有必要。小朋友，是自我 中心的，考慮的一切問題，都可以加上”To me／對我而言”。對外的訴求，在成長後變得失效。最後有的依附著供給者而生活，有的則出現著各種扭曲的心理及性格．．．那是害群之馬出現的原因嗎？如果 係的話，那可能是香港文化一般對女性比較照顧的原因。

成年人，明白幸福是自己的責任，而且有機會去爭取。由小朋友的向外訴求，傳化至成年 人的責任與承擔，當中有很痛苦的過程，從而讓人們認知自己及世界的關係。傳統文化裏，男性顯然有搵食的責任，女性顯然有照顧家庭的責任。在男女相處，結婚 （２０歲左右）、建立家庭的過程，會出現很多共同的問題需要解決，那外在環境的壓迫讓男女都成熟過來，成為有能力推動社會繁榮的一份子。

然而，隨著香港文化的變異，本來只有男仔要去搵食，依家男女平等，女仔都要去搵食，而且都搵倒食，男女都搵倒食。讀完書也已經廿幾歲，再各自打下工，打算 差不多３０歲先結婚，更不用照顧數個子女，互相依存的家庭文化淡化。現在誰都去搵食，那有誰原意去打理家庭？

很不同了．．．女性的角式出現很太多的改變了～其實，照顧家庭，也是一份很有意義，很偉大的職業，何必要急於搵食呢？女性可以取代男性的位置，男性可以取 代女性的位置嗎？生理許可嗎？心理許可嗎？

安全感？靠男人不如自己吧～男仔靠唔住！

都 係那個阿叔講得啱”科技就先進，人就唔得先進，ｘ！”。科技改變得太快，社會也被改變著，其帶來的文化衝擊，究竟對人類是禍是福，現在還很難說得通。然 而，這一切已慢慢變得不重要了～人人都有自己的知識與想法，更重要是有自己的金錢，明天經濟增長才是重要，明天如何賺錢才是重要．．．What can you do(for me)?

---

大ｘ公司風範：

問：我想問，究竟你們的風險究竟．．．．
答：其實我地集團既優勢就係．．．
問：原來是這樣，咁我想問，其實你地未來最大的難處是．．．
答：我地集團未來有五大業務，而其實佢地都各有機會．．．（講左十分鐘）
問：你們做咁多不同的業務，當中的Synergy是怎樣的呢？
答：不如我地唔好再討論那些．．．好簡單，我給你三個數字．．．１０，２０，３０．．．那就是我們未來三年的盈利．．．（靜）
問：你們可以預測集團未來的盈利嗎？是怎樣做到的？
答：其實我地集團跟其他不同，我們講得出做得到，因為我們是Engineer那盈利的～不同其他用artful的說法．．．

---

Saturday, February 10, 2007

畢業照

多謝各界朋友同我影畢業相~~~

多謝中醫的同學仔~
多謝師弟妹為我們安排的活動~
多謝Oasis幫我拿袍
多謝阿強原諒欠佢$160
多謝Connie同我開香檳(都差d唔記得我地原來係人地阿爸阿媽添, 依家兒孫滿堂了~)
多謝薇薇(my dear)專程黎同我影相
多謝 蒸雞, Shirley, Jeff, 大s, Cora, Tina, Ivan, 等師弟妹
多謝Peter黎同我渣機
多謝阿銘咁為大組盡心盡力, 同埋那Jack
多謝Vetronica黎同我影相
多謝細組Fanny, Karen, Ryan, David, 阿田黎同我這個頹既組爸影相
多謝阿Rie給我的長途電話
多謝魚樂無窮的kenny, jeffrey, kenny, doris, 四叔, 阿mik, 喜兒, 悅兒, faiyeah, bowie, 邤欣, connie
多謝女王騎士團的Forever, 阿華, 齊齊
多謝Jack會長~
多謝ziv&天倫

2006年

三個人的同一個夢：

(I have a similar dream with Ziv and Oasis.)

我深入敵陣，沒有伙伴。我帶著心愛的女仔正在敵陣中逃亡。我不知敵人會否在走廊中出現，不知道敵人會否在背後把我槍斃。我要先帶女孩到安全的地方！ 轉一個彎，沒有人！轉一個彎，我只看到敵人的影子！我恐懼，但我還是要前進．．．

終於找到了一個漆黑的地方，可以把女孩暫時安全地收藏起來！我的心安了，我愛你！之後就是要自己安全了～我拼命地走！很累，但我還是要前進！我進了 一個狹小的房間，躲起來，完全不動聲色，不作一點聲響．．．

突然，我發現了門窗上出現了監視的目光！噢！是你嗎？我的朋友！他也是我的真正的朋友，但卻成為敵方的士兵！我示意他不要作聲！他也示意可以！我沒 有想！我相信他！我繼續躲！

突然，我又發現了門窗上出現另一對監視的目光！這次的人我並不相識，而且肯定是敵方的士兵！我們目光互相對視的一刻，時空都停頓了！我跟他都突然跑 起來！

我沒有殺他！我不是指我不會殺他！我只形容他在我的前面，而結果我沒有殺他！我沒有想去殺他，但我不知道如果我跟他再接近點我會如何地反應。反應， 並不是思考啊！我重新思考時，我不想殺他，他只是個服從的士兵，也是人呢！我也沒有再追了。很快我便繼續尋找另一條出路．．．

Meeting with my Alice:

Alice is my mentor. She is good at inspiring.
Alice:
1 Happiness is not important for me. I am not unhappy.
2 This book is good. It describes the ideas in my mind well.
3 To understand and to understand in your own way.
4 Gifts are found in burdens.
5 If he doesn't care, why should I care?
6 We have no answer, but we have to solve problems.
7 You are what you do.

Franky:
1 Having interests doesn't always imply selfishness.
2 Lacking vocabulary is a challenge to effective communication and thinking.
3 Profit leadership is likely become market leadership, but not vice versa
4 Market leadership only increases profitability in business which facilitates communication.

芳滿庭慶舊歷生日：

今日同家日到芳滿庭慶祝我的舊曆生日！（因為同老豆去，所以一定要 去芳滿庭）

1南翔小籠包（貴）
2香熏煙鴨胸（正）
3蘆薈海鮮炒蛋白(正)
4滿庭一品煲(正)
5法式煎牛柳（差）
6竹生上素（不錯）
7荷葉雲腿蒸雞(正)
8桂花糕(正)

太飽了...飲唔落土瓜灣馳名的椰汁~ 聽日再跟哥,姐,姨食西餐,正!

FAMILY：

我們所服務的公司會在短短的幾天裡找人替代我們，而我們的家人卻在 他們的生命裡不斷感受失去親人的痛苦。仔細想想，我們對工作的投入往往超過了對家庭的投入，這確實是個不太明智的投資，難道您不這樣認為嗎？這給我們更深 的啟示是什麼？您知道家庭（FAMILY）這個詞的意味著什麼嗎？
家庭（FAMILY）= Father And Mother I Love You

Blue Ocean Strategy：

尋日同哥談起Blue Ocean Strategy這本書有幾廢，但同時又幾咁暢銷。我地都認為，這個書名有很大的作用。首先，兩個字都識讀。第二，個書名有Strategy這個字。第 三，我從書名看不出那是什麼Strategy。哥提出，寫這些書真容易，是但拿一些公司出黎，搵ｄ共通點，名命那些通常點，叫佢地做model，跟住狂講 那些公司，很快又攪掂一本。之後，我同佢諗左好多Strategy，包括Black Hole Strategy，Desert Strategy，Deep Ocean Strategy，Invisible Strategy，Sponge Strategy等，但最後我們還是最喜歡Layer Strategy。呀，我在寫這文章時，又諗倒一個Tunnel Strategy，應該都幾勁。

2005年

實習異聞錄（十一）：晚期肝癌病人的死亡

這個星期，是我實習以來最有意義的一個星期。因為，我親眼看著一個晚期的肝癌病人的死亡過程。我想，除了醫生外，是極難有機會可以有如此體驗的！即使是病 人的家屬，也只可以看到一部份吧了。因此，我認為這次經驗很值得記錄下來。

那位男病人，２８歲，因上消化道出血而入院，有乙肝史，哥哥在同年肝癌死亡，診斷為晚期肝癌。我第一次見到他時，是查房的時候，那時他雖然消瘦無神，但精 神尚可，還可以對答。家人都在照顧他。回辦工室，醫生便跟我說，這個病人的病很重，我翻查病歷後，才得知是一個晚期肝癌的病人。

第二天，在早上匯報時，得知那病人在晚上吐血。我想必定是胃門靜脈破裂引起的，是肝癌致命的症狀，深知病情不妙了。那時我不知道是什麼原因引起吐血的，在 他死亡後我才有機會翻查病歷得知。原來他曾進食過渡，食了十六片肉片及一碗麵。這些食物及份量是絶對禁止，我想到應該是他的家人想早點了斷他的痛苦吧。

會議進行中，病人的家人闖了進來，我知道事情不妙了。我們一班醫生便到病房去看。去到病房時，情況真的令人心寒。病人十分痛苦，已經失去理智，四肢在掙紮 著，頭部左右地擺，並呻吟著。他的家人多是老人家，他們都十分傷感，不停流淚痛哭。病人肝右葉有巨大佔位性腫瘤，還吃下那麼大份量的食物，刺激肝臟，增加 腹內壓，病人必定脹痛難耐呢。然而，如果不這樣了斷，還要待多久呢？

那天，即使用了凝血劑，吐血還是不能止著。他的家庭經濟有困難，上次哥哥肝癌已用了很多錢了，現在還那有錢呢。大陸的醫療是沒有錢是不能用藥的，這是殘忍 的，但在中國的國情，卻是無可奈可的。那天，我跟主任拿著寫著一萬多的收費單，詢問代表家屬時，她說沒有錢了。主任說，你有多少就付多少。在這個時候，還 有人能忍心向家屬們收費呢．．．

不久，病人給打了止痛及鎮靜劑後，便睡著了。我看到他的時候，他已在搶救室中，隨著準備接受搶救。病人已在昏迷狀態，心跳１５０，BP110/80，無 尿。舌淡白軟弱而後翻，脈細弱促，右關獨大。黃帝內經說”大者，進也”，這樣的脈象及其他生命特徵，真的命不久矣。最後，我跟負責醫生、護士及親屬幫他換 衫及床被。雖然這不是醫生的份內事，對病程也沒有一點幫助，但作為對病者的一種尊重。我覺得這是有意義的。

第三天，回醫院時我第一時間看家屬是否還在。我看見他們還在搶救室門口，顯示病人還沒去世。開會時，得知上消化道出血還沒有止著，家人因經濟問題而拒絶輸 血。那天早上，我都在搶救室守著那病人，病人瞳孔散大，對光反射及腳底反射消失，呼吸急促，（IV）度完全昏迷。不時護士便從病人胃裡可抽出血塊。不久， 病人開始全身抽擁起來，我立刻叫其 他醫生到來。其實在這之前，醫生們已經準備好人功呼吸機及心臟復蘇儀，隨時為病人搶救了。

抽搐過後，心電圖２５０，BP60/30。我已把不倒脈了，心臟呈無脈性膊動。不到兩分鐘，心電圖也慢慢下來了，血壓沒有了，呼吸停止。接駁人功呼吸機的 同時，要用到心臟復蘇儀了。試過兩次也無效，唯有做手外壓。家屬不時進來，叫我們停止搶救，但搶救一旦進行，必需維持３０分鐘。最後，病人也反魂乏術。離 開搶救室後，維持還可聽到家屬痛哭的聲音。

這是我第一次目睹一個肝癌病人的死亡過程。我的心沒有一點害怕，只是有一點無奈的感覺。我知道死亡在病房是常見的，但年青的死亡，總是很可惜的。雖然我很 同情病人的家屬，但當時真的很難可以再說什麼，真的不知如何去安慰他們呢。

這星期在病房，我思考到很多醫學倫理，或者是醫德的問題。我覺得醫生真是一個好講heart的行業。或許有心和冇心，在操作上只有微細的分別，例如多跟病 人談話，多關心他們的住院生活，也介紹一下自己，去拉近醫患之間的關係等。這星期在病房裡，我沒什麼可以幫忙，也比較清閒，我便去跟病人們傾計。我感覺到 他們是會開心的，也會覺得被關心。雖然我做的一切對醫療作用不大，最多只是多了解病人的習慣及病程，但我想這些非必定的行為在病人整個醫療服務的質素中， 起了十分大的作用。

醫生的目的是治療及減輕痛苦，治療的對象是病人。我認為一個有心的醫生，是會以病人為本的。這是理所當然的，但究竟有幾多人可以實行倒呢？以病人作為治療 對象就足夠嗎？究竟把重點放在疾病上，是否等於把重點放在病人身上呢？我認為是很不同的。那就像生活是為了生存及生存是為了生活之間的分別一樣呢！

每天查房，便一大班人帶上口罩，走進病房，關燈，關電視，浩浩蕩蕩。醫生用最快的時間，詢問病人的病程，完成後又浩浩蕩蕩地離開。我想像到，醫生離開後， 房裡那中真空的感覺，病人被詢問後而對病程毫不知情的感覺，是怪怪的。
其實有很多病是無可奈可的，有些病卻是自然會好的，醫生的角式除了是治療外，還是一個被依賴的角式。病人把健康都交到醫生的身上，醫生會為病人盡力的，病 人的心理負擔便消除了。跟病人拉近關係，解除病人的壓力，我認為是醫生另一大任務呢！我想我即使成為不了一個醫術高明的醫生，最少也要成為一個有醫德的醫 生

---

窮人的幸福

今日，我跟媽媽一同以股東的心態，一起到銅鑼灣及尖沙嘴看零售。今 日看見很多人，也見到很多明牌。Zara明顯好勁，好多人行＆買，遠勝Esprit。的確，從零售店管理功力來看，Zara真的是比Esprit好的！這 個對手非常難纏呢！

今日在巴士上跟媽媽談話。我同佢都好慶幸自己是窮人。我們從小就習 慣於慳的生活。我們什麼東西也吃，很便宜的衫就可以窮，也不用什麼娛樂。我同佢都覺得，我們這些人是注定賺錢的，原因是我們根本就沒有支出。

不少朋友也跟我談及享受的問題。今天，也跟媽媽談到這個問題。我同 佢都對自己的情況很滿意，很有默契。我們都認為自己是比較幸福的，因為我們不用駛錢就可 以得到享受，即使是麥當勞或貴記，我地都覺得好好味。哥哥昨晚跟我說，我們是Value consumer。如果是這樣，我媽便是non-consumer，佢根本就不會消費的，很利害。我媽說，人總有欠錢的時候，我們這些住紅磡的人，即使是 這樣，生活還是可以很快樂的。真的是呢！我從來沒有關心自己有多少錢用，也從來不因物質而勞心。我以前很少行街，也很少跟別人談物質的事。注意力都集中在 物質以外的事。我想這對我的學習效率有不少幫助呢！

近來在研究Branding。其實消費除了滿足實質的需要外，滿足 心理的需要其實是很重要的。Consistency tendency, peer pressure, envy, Palovian association, likely tendency, psychological denial, contrast perception etc很多因素都在影響著我們的消費心理。如果我們一開始就沒有被引起消費的慾望，那根本就很容易滿足。相反，如果長遠沉醉在慾望之中，那就會變得很難滿 足了。或許前者就是叫做不懂享受，而後者就是懂得享受了。很多事情都有兩面的呢～

投資學會Mentorship：

今日去左富豪酒店食high table dinner，那是投資學會按排我地依ｄmentee第一次見mentor的聚會。我遲了出門口，想不到很快就去到，反而是最早的第二個人去到。去到會 場，坐底跟新朋友打招呼，之後便越來越多人入場，我也不坐著談，便開始與其他人交談。

一會，我碰上了馮智堅，我上年的mentor。佢係做融資顧問公司 的。大陸很多公司因為借貨緊縮而借不了錢，就是透過他來做中介，尋找另類的融資方法。今天才知道原來佢都有幫超大現代做，所以便談起這間公司。他顯然對這 間公司十分有信心，我談及高毛利，會計師問題時，他表示十分不同我的說法，表現有點激點，說我不明白那生意～他是對的，我現在還是不明白。

之後，我見倒黃國英，便上前認識。他起初對我不太感興趣，但在會 後，我再上前，要求未來一起聚會，再談上一些投資的事後，感覺好像好了些。其實大家也看不少公司，當他問及我這幾年投資什麼時，我數出了４０８， １０６３，３２８，２８７８等公司，他也表示不錯。我也談及I.T、慕詩及鱷魚恤時，他就感到很不敢興趣了。不過，他也說，不同的人有不同見解的，或許是 不想直接否定我吧～希望未來有機會繼續與他交流。暫時而言，我對自己的分析是很有信心的，所以我不會因為別人的否定而減低研究的興趣！

離開後，就跟Peter&Candace會面，到了巴黎咖 啡室傾計。這次算是鱷魚恤的研討會吧～我跟peter想知道鱷魚恤的業務，而 Candace則想知道我們對業務的看法。當中也有很多分享與交談的時間，整個過程是很不錯的。唯一不好的是那裡很大煙，所以最後被迫離開了。

我在晚上喝了咖啡，睡不著，所以打著這個日記．．．

實習異聞錄（十）：漫遊萬象城

如果大陸爆禽流感，真係會好大鑊。因為ｄ人實在太冇衛生意識了，男 女老少，不知什麼原因，都是很多痰的，而且都會周圍吐；有鼻涕又唔用紙巾，就咁就噴去個地下．．．即使係室內，佢地都會咁做，好恐怖！

之前去左李寧，睇睇這間零售掂唔掂。ｄ貨既質素都okay，不過比 想像中貴。

去萬象城，那裡好靚！好似又一城，我覺得去親大陸的，必定要去看 看！那就是深圳數一數二的商場吧！真的很不錯，我去了兩次，我還是想再去呢！那裡有Esprit Salon, I.T, balano等零售，可以做site-visit.

我去了I.T,同香港差不多，ｄSales＆音樂好型，ｄ衫好貴， 地方好暗，唔算多人行（但都有）。好似ｄ衫仲貴過香港，唔知內地點消費得起，我想這是 Branding的策略吧～試過突然沒有了音樂，那時感覺差好遠．．．那時才知道那是一個關鍵的因素．．．之後我到Baleno的旗艦店，更確認了這點！

那間店叫in base，是店中店模式，Baleno入面既所有brand都有齊，差不多有十個，高中低檔都有。我同阿哥一路行，一路話廢。我地都在想，為何會覺得 I.T那些是掂，而Baleno那些是勁頹．．．我們認為，大概可以分以下幾點：
１I.TｄSales型好多
２I.T.ｄ音樂型好多
３I.Tｄ衫頹廢得黎夠徹底，ｄ邊都爛埋，好多款；Baleno那 些brand頹得黎整齊。
４I.T.暗很多，店舖設計較多元化
５I.T的Brand多元化，但都集中在中高檔次；Baleno將 高中位檔集中埋一齊。
６I.T.品牌多元化，但品牌有明顯的個性，款色有分別； Baleno多個Brand的款＆衫十分類似，個別品牌特色弱。
７I.T店舖傾向大型；Baleno則會租幾個細小的店。

去了深圳國貿站附近，見倒一間假IT，叫IT，而唔係I.T。雖然 可能被佢呃左，但入都去明顯覺得那不是I.T的Style，款、價錢、裝潢同品牌都唔同。

又去了大陸的假apple shop及其他電器sales channel，見倒萬威的iball，好貴，但渠道滲透率不錯。同時，也見倒JBL的產品，平靚正，我都在考慮買，iball好難做。

實習異聞錄（九）：大量買入蒙牛(2319.hk)＠＄3.9

Ziv：喂，我那邊蒙牛很平，$3.9咋～～
我：咁正？其他地方依家賣緊$5.3，冇特價了！
回家後．．．
我：ｏａ，蒙牛依家好平！
ｏａ：幾多錢？
我：$3.9咋！入唔入貨？
ｏａ：$3.9咁平？唔係$6.5咩？
我：咩呀，冇得特價都$5.3之嘛！
ｏａ：我尋日睇仲係$6.5
我：我講牛奶喎！你講咩呀～
ｏａ：哦～～～（哈～～～～～～～）

實習異聞錄（八）：廿二歲的病人

今日繼續在皮膚科，有個病人放下了病歷，我便幫佢登記一下．．．
姓名：ｘｘｘ
性別：女
年齡：２２
我真係呆左！那個女人怎樣看最少也４０吧！佢話廿二！我望望ｏａ， ｏａ也望望我！大家都難以置信！！

後來，原來佢係幫佢個女黎睇的～真係嚇鬼死！

實習異聞錄（七）：賴尿JIT

今日有個阿媽帶個細路黎睇病，點知個細路特然蹲係度屙尿！真係吹 脹！好彩，最後佢地都叫阿嬏黎清潔返～

---

實習異聞錄（六）：十塊錢那些檢查（普通話）

有ｄ病人很不耐煩，明明還有五六個病人先到佢，佢就硬係要企入醫生 房度，睇住你睇病，聽ｏ下其他病人乜事。成日有ｄ女病人先，話要開什麼檢查，我初到貴境，唔知佢指什麼，所以就問佢想點～
我：你怎樣了？
她：我就是想醫生開檢查。
我：什麼檢查？
她：就是那個．．．那個十塊錢的那個檢查．．．
後來我看看檢查單上，$10那個項目．．．原來係性病檢查！難怪咁 唔好意思！哈～我下次諗住繼續問
我：十塊錢？是什麼十塊錢的檢查？是那個十塊錢的性病檢查嗎？你真 的要醫生開那個十塊錢的性病檢查嗎？（大聲地說）

Gratitude to my friends and family:

I would love to give my gratitude to all of the people who support me, especially the people below.

My Mom: You start from discouraging me to invest with me in this three years. I think it is a great support. Without your approval, I think it is difficult for me to achieve my goal. Also, your care is really good! Thank you so much!!!

My Dad: Although you neither agree nor disagree with me. Your financial support is the fundamental of everything of me.

My Aunt: Thank you so much for your financial credit.

My Brother: We share everything from the beginning of my life. There is no other people who can understand me that much. I can figure my mind easily by chatting with you. I think u really have increase my knowledge and intelligence a lot.

Peter Ho: You give me the courage to step on the road to serious investing. Without meeting you, I think I would like another guy who like value investing while doing nothing. Also, you have shared a lot of friends and important info with me. You are my best friend!

Leon: You have taught me a lot of market intelligence and shared a lot of insider info with me. Thx so much! Also, your encouragement is so important to me!

他其事件：

尋日跟Fai, Eric, Oscar, 索Ca一齊去沙田食飯，去了一間名叫小巴黎既越南菜館，覺得個名好正，食物不錯，我地發現索ca有一個很特別的拿杯手法，笑死～之後去沙田的 Citysuper行，見倒好多Gap野，其中一個係<<The Psychology of Everyday Thing>>入面的一個設計，終於可以一見～作者說得冇錯，design係好無聊，甚至毫不實用，但望著它就是可以使人愉快，就是會增添生 活的色彩。設計是有其實用以外的價值的～之後我地去了仙踪林飲野，我同索ca叫了”德意”芝士餅，eric叫芒果雪香冇貨，叫了朱古力雪香。後來發現訂單 上打了”他其”，我便問伙計那是什麼意思，佢就吞吞吐吐，說這是公司的什麼什麼，我都聽唔倒。之後我地便叫伙計做”他其”，後來，”他其”便拿多一本朱古 力珍珠黎，話係整多左喎。我地之後便懷疑，那是公司的秘密，即如果我地叫芒果雪香，而之後詢問”他其”的意思，同時要叫”得意”，那伙計會便過黎說”整多 左杯野，唔好話俾人知”。這是一種收買顧客人心的生意手法，我甚至懷疑那裏的所有伙計，都曾被叫左”他其”，我地可能係那天第五台這樣叫那伙計了。冇錯， 一定是這樣！

實習異聞錄（二）

今次返大陸實習，很不好彩，好多時間都係hea，個醫師成日走左 去，病人又少，星期五上午成晝都係得２個病人，真係悶到發瘋了！所以我決定帶ｄ好野上去睇先得！

這兩天最有趣的係跟Ziv學了German Bridge，幾好玩，幾多?人玩都得～我覺得遊戲的博奕成份很高，有好多數學係入面，不錯～難怪那麼多人鍾意玩，包括巴菲特與曼格～

今次返大陸，試左一間阿偉清真野，超級好食～饟包肉，溜白子，拔絲 香蕉，新疆拌麵，羊雜湯～正正正！Ziv很攪笑，唔食得辣，未食野就流鼻血～haha~ 回家玩到１２點，又覺肚餓，我跟Ken Share左雞絲炒麵！丁，辣到我噴火，有誰估倒雞絲炒麵係咁辣架呢～不過Toby仲gap，想叫個涼粉，以為係甜品，點知係川式涼粉，又係辣到飛起，哈 ～甜品丫拿！

臨走就去左書城，買左兩本傷寒書，同埋石田退三寫的書！因為我係一 個豐田迷，所以我一見倒石田退三係作者，就買了那書～石田退三係豐田第三任 CEO，在讀書會裏講過，豐田個個CEO都好勁的，石田退三也不例外。點知後來睇返才知道那書不是石田退三寫的，只是人們把他的文章結集成書，入面都冇乜 實際內容，反而很多閞於領導，希望不太差吧～

下星期希望有電腦，有好書，冇這個星期咁悶吧～

實習異聞錄（一）

１有間賣衫舖的名叫”Come In, Please"，賣方市場思維．．．
２海鮮好平，＄１隻扇貝；ｄ野好好食，好飽
３即使是教師，也會穿得很性感
４即使是女仔，也很大食
５在醫院說普通話時，人們問我是香港人還是深圳人，普通話有進步
６頭兩星期跟眼科，學倒野，但少病人，悶，有很多看書的時間
７一年冇溫中藥方劑，再溫卻不難上手
８地鐵上有些人很時髦，比香港人更時髦
９醫生說香港病人是很麻煩的
１０上年師兄姐對醫院不好，希望不會拖累今年吧．．．不過都幾難唔 會！
１１共產黨員個個都要”保先”，你知道是什麼嗎？haha
１２大陸的廣告好睇過電視劇．．．
研究證實威露消毒水，與某某牌子的消毒能力係．．．一模一樣！記 位，係一模一樣！！！

Ocamp回憶錄（四）：

阿銘，終於要寫到你了～我放你係最後，因為太多野寫，要組織一下， 我也想透過回憶你的角色，想出一些道理出黎，等我地都可以成長～你記得我當初說這個暑假我想研究心理學嗎？我覺得大ｏ係一個好好的機會，讓我留意自己的心 理，留意領導的心理，留意成組的心理～讓我先歸納出幾個理論出來吧～

１勵己勵人
我第一次同你講ocamp時，就同你講，不要用…做說話的結尾～我 真的覺得這幾重要。我覺得係個camp入面，你都做得幾好，除了對某幾個輔員你會訴苦之外，都沒有表現得好灰～所以你看得見，我們的輔員都對自己組十分有 信心呢！見倒輔員唔灰唔頹，你自己也會有自信起來～一個好的開始，真的是成功的一半呢～

２話題真空會放大微細的共同話題
一開始三十幾人，大家各不相識，不敢表露自己的事，所以都會搵一些 共同的話題來做頭盤呢～記得開始時，你的微細特徵與行為，都會成為眾人的焦點～你啦，冰條啦，米仔啦，個個開頭都俾人勁拿來講～不過你記得嗎？我告訴你不 用介意，這是正常的～開頭就是會這樣的～當時真係難為了你了，我幾驚你會灰左呢～好彩很快焦點就分散了，尤其是工作已被分配好時，大家又開始熟時，結果大 家便慢慢不談你了．．．不過我地還是不停談雞巴．．．冇辦法，這個話題真係太勁！依家已經算係講少左架啦～哈～

３共同目標＋共同努力＋共同享受結果＝感情
那就是ocamp了～不過其實這formula並不一定只 apply落ocamp的～兩個人係埋一齊，想陪養感情，也可以搵共同目標，共同努力，一齊去享受那結果～運動也可以，讀書也可以．．．阿銘，我知你很想 維繫組內的輔員，甚至freshmen，你可以從這公式的三個元素上諗諗呢～

阿銘，你知我有滿意你的地方，也有不滿意你的地方～今年我給你中等 的評價吧～不過已經好過上年超多了～其實要做一個好的大組長真的不容易呢～讓我先告訴你可以好的地方，再告訴你可以改善的地方吧～

我覺得你真係真心咁去為個大組付出，最少你真係駛左唔少＄，用左無 數的時間去諗去傾這個組的事，我想我們每一個都可以看到，你真的很愛魚樂無窮，很想帶領魚樂無窮成為今年最強的大組，而你真的成功了，真的十分成功！我諗 都幾難可以比今年羸得更多呢～輔員之間的相處也很好，分工方面也算okay，最少大部份人也有適量的工作吧～

我想你今次做大組長一定學倒很多事。可以肯定的是你會變得比以前更 有自信，做事更有效率，更會控制情緒吧～哈～好多野都係習慣，習慣了掂就會有自信，習慣了多野做就會有效率，習慣了不合心意的事就會脾氣變好～雖然大組長 的位置十分難做，但學倒最多野的，也應該是你的位置吧～你要細心回味，細心總結自己這幾個月的體驗啊～

成個camp中，我都在想關於leadership的問題～因為我 知道這是十分重要的，而這也是我知道最少的～那是很難可以在書本中學倒呢～你說得對，為何輔員們會俾錢黎玩，仲要肯做咁多野呢？這個問題我真的想了好耐， 我也常觀察自己的想法，也觀察你下的命令時其他人的反應．．．我歸納了一些想法，唔知你是否認同：我認為我地成班輔員肯出力，原因係大家出得黎玩，預左要 還，冇話齋玩唔做野的，那種異類想法也會在組內面對很大的壓力，所以傻的才會這樣。然而，做野是一件事，幾落力去做又係一件事。我見組內很多人都真的很努 力去做呢。我想輔員有誠信，有責任心係基本的，但我覺得大家都為魚樂無窮這大組去負出，也給了輔員不少心理支持。我自己都係，身為魚樂無窮的輔員，很想魚 樂無窮可以好掂呢～我們為的，已經不只是你的命令，而係魚樂無窮大組本身，那是大家共同的目標與精神，大家都為它努力，大家也是它的一份子，而你就擔當著 控制的角色～我認為今年大家咁為魚樂無窮，除了輔員質責與經驗好之外，我認為我們開頭的氣氛很重要呢，使大家都覺得魚樂無窮好玩，魚樂無窮值得去付 出．．．我認為 preprecamp真的功不可沒啊！

其實我應該做點告訴你，千萬不要把自己代入魚樂無窮，例如“為阿 銘”＆“為魚樂無窮”的感覺是很不同的啊～Leadership是要無私的，即使最終可能係為自己，但也要先為大家著想，要清楚大家的方向是什麼～有時你 真的犯了一些過失啊～這使你獲得一些不好的評價。例如好多細小的事，大家其實覺得已經 okay的，卻要為你的喜好而改變，增添不少大家覺得不重要的工作量呢～那次踢波是這樣，你要先問我地係咪想去嘛～３ｘ度啊～你的出發點是為這個組好的， 但必定要想想那個人要辛苦左幾多啊～過了一個平衡，人們就自然不滿了～所以我耐唔耐就會唔gur你啦～丁！哈哈～其實有一個方法可以使大家為你而不是為大 組去做事的，這可以直接滿足你的意願～那就是與輔員建立感情，產生義氣～“Friend黎架嘛”這句十分正，講得出，便可做得倒！我十分重視朋友呢，我想 很多輔員也是！你在這方面下的功夫可以再多一些呢呢～ocamp裏你還很少了解我想在暑假做什麼呢～三次告訴你我很倦，最後我主動唔參與活動才停止 order，真的慢左ｄ啊～我說我想做的事係睇書．．．可能你不以為然吧～不同的人真的有不同需要～睇書對我的重要性，不比拍拖低呢～你知道為何那段時間 我那麼不開心吧～因此，如果要別人去為你做事，做一個leader，就要多關心別人，多了解，多體諒了～為大組，是理；為大組長，是情～未來做其他活動的 leader也可以留意這些啊～說真的，這次我真的在整個camp中學倒好多野，關於Leadership的想法真係可算是不可多得了！非常感謝你呢～

不過，可能你實在太忙吧～也的確難要求你去跟咁多個輔員傾計～其實 你要做的可以十分簡短的，只是簡單地問“辛苦嗎”，之後聽人訴苦一餐，再讚賞幾句，拜託幾句就好了～聆聽方面也可以改善，多給耐性，例如你會叫人唔好講咁 多，或者在訴苦時解釋很多．．．你記得嗎？你問我有什麼怨言之後，你向我解釋我錯在什麼，最後是我say sorry解決事情的呢～在染髮舖中，你也中止了老闆的說話，旁人聽見不太好啊～你可以用道理說過別人，卻服不了別人的心，那並不是最好的啊～我想你是太 倦吧～所以說Leader不易做呢～要勵已勵人，即使自己頹了，也要表現得堅強～事後人們發現你咁辛苦，自然肯為了賣命了～如果你安慰不了別人，不知說什 麼好，就聆聽吧～最後說聲“辛苦你了”，那就很足夠了～大家會明白的～

你做了幾多事，我們是看到的～功德是自己做的，讚賞卻是別人給的～ 默默耕耘的努力最使人佩服，最使人感動～如果別人看不見的功德，就是不太大的功德吧～或者只是時辰未到～懂得忍耐，懂得等待，係一個很高尚的情操啊～

我講左咁多，其實我都未必做到的～大組長的壓力真係非比尋常，我覺 得如果我做你的位的話，我一定會犯可好多錯誤，很可能攪得很差呢～很佩服你有這勇氣擔當大組長的角色，為魚樂無窮付出那麼多！魚樂無窮咁有spirit， 你的功勞真係最大呢！不知魚樂無窮的人輔員會否看到這感想～如果看到的話，也逆地而處，想想阿銘的處境，體諒他做得不好的地方吧～至於阿銘，做得好與不好 已經不重要了，最重要係過程中可以學倒野，同埋之後究竟點可以再做好ｄ～建立之前沒有時間精神建立的感情！這是很重要的啊～～

阿銘，記住啊，要留意人們的動機與情緒，我們做事很多時係為動機與 情緒做事的，理性好多時係為了合理化行為的吧了～這是我大學生涯學到的一個非常重要的道理啊～

大粉腸，食左你咁多workload，我又點會唔寫你呢～傻啦～～ 哈～～～不過你知我是很直接的，也很想大家可以在ocamp中學倒野，所以反而會搵ｄ可以改善既野黎講～理性上，ocamp你攪得好好；感情上，我同你都 要努力啊～享受你創造的魚樂無窮精神吧～希望你覺得我的感想寫得好啦～看看下次幾時再有機會合作吧～我可是有很多爪的～：）

---

Ocamp回憶錄（三）

：給火麒麟仔女的話

Fanny, Ryan, Karen, David, 頹文, Hilda, Irene, 阿田, Katrina，很高興在大ｏ識倒你地～係ocamp裏面，我成日keep住好hyper，因為唔hyper就會倦，好似day3咁，其實還沒有時間同你 地傾計呢～

火麒麟的成員，可能係八組之中最好了～尤其係ｄ女仔，好掂呀 ～Ryan, David，阿田，頹文，你地要珍惜這個細組呢～在自爆中，看來大家還是單身的啊，所以大家要加油啊～哈哈～

通常一班陌生人聚在一起，大圍傾計時，最初九成九是沒有什麼話題 的，好多時組爸媽都會求其搵ｄ野黎講～例如講宿呀，講中大呀，講各個系呀，講拍拖呀，講前途呀etc, 但男仔啊，你地要主動一ｄ嘛，不要問一句答一句～不主動帶領，發表意見，要請對方談話，唔通要女仔來主動！？雖然咁都得，但作為男士，主動與女仔談話係一 種風度啊，可以帶領一組人，更會獻得有魅力！中大的社交中，很多時也會是這樣的，一大班陌生人聚在一起，我地要自己爭取友誼啊～負出真誠的人，你不是太喉 摛的話，人們都是會歡迎的～話題方面，唔緊要的，可以堅決ｄ發表自己的意見，不用怕別人不同意的，可以包容別人，也可以錯而能，那都是高尚的情操啊～我的 經驗是，如果一開始摺埋的話，以後人們都以標籤你為摺友，頹文，我諗你都明白了吧，那晚我＆華＆輝爺的說話，真是用心良苦，你要緊記啊～一但印象成立了， 就難以改變，所以真的要小心～

火麒麟的女好掂啦，尤其係Fanny，完全唔似係蕃薯人，我覺得識 倒你好開心呀～成日我都可以同你好好傾，真是難得的組女～可愛的Karen真係好可愛，卻不是十分內向，好多時你還主動搵我傾計，真係好掂～Hilda， 我對你的期望很高的，你知道嗎？現在不過不失啦，GPA的，要給自己多點自信啊！ Leadership與管理不是容易的～多參與活動，在這三年多訓練自己吧～Katrina比我想像中玩得，完全唔似哲學系～在camp中我都幾想同你傾 哲學野呢，不過我又覺得氣氛麻麻地夾，所以都係唔講住，留返遲ｄ慢慢傾吧～我想我也是半個哲學人啦～常常有些怪怪的，但我又覺得幾有用的想法～遲ｄ同你分 享吧～Irene，我要同你講聲對唔住呢～你入到camp的時候，我已經頹左一半，一係就冇左聲，冇乜機會同你傾計～我見倒頹文係你上面做掌上壓，我覺得 你都幾玩得呢～不過你在我心中還是一個乖乖女黎既～

幼稚園，小學，中學，大學，社會，大家知道有什麼分別嗎？我覺得在 各個階段中，規限越來越小了，自律與選擇的機會變得越來越多了～香港是世界小數那麼自由的地方，而大學就是社會中最自由的地方～我們身為大學生，享受了世 界頂尖的自由度，所以大家真的要珍惜這三年！我們的院歌中寫著“趁青春，結伴向前行”，我們真的要趁青春，去做一些有意義的事！千萬不要浪費這三年的大學 時間！你說，究竟畢業後有幾多機會可以去幾個月旅行？有幾多機會可以一大班人一齊出黎玩？有幾多機會可以在平日的lunch去 soho食平餐？有幾多機會可以俾你在幾日的活動中，認識數十位來自不同背景的朋友？很少啊！因此，入得中大，真的要多參加活動！成績那些是不重要的，只 要畢倒業就可以！出黎社會做事，待人接物，言談舉止，對社會各方面的認識才是重要的～不會因為GPA這因素而決定怎樣～不過，不要誤會我叫你地唔好讀書， 而是不要為成績而讀書；相反，我很希望你們可以珍惜中大的教學設備！雖然我們都被派到一個專門的學系，但千萬不要被學系或者syllabus鎖死！想學什 麼就去學什麼，多去圖書館，多識不同系的人，多sit堂，知多ｄ其他學科的基礎知識，那不會用上你很多的時間，你不用負上額外的責任，但你卻可以在這三年 中成為一個知識廣博的人～這會給你未來很大的競爭力～可知道，畢業後去鑽研專業以外的學科，可不容易啊！放下一切考慮吧，不要理會gpa，不要理會工作經 驗，不要理會未來就業怎樣，不要理會金錢，那些都是不重要，或是可以在未來獲得的，千萬不要為了那些而虛渡了三年的光陰，那是一種浪費！相反，珍惜現在識 的朋友，珍惜現在的自由度，珍惜增廣見聞的機會，珍惜專注自己興趣學術與增加基礎知識的機會，那都是未來很難做倒的！

現在你們都自由了～在廣濶的寶山中獲得了自由，你們可以在這三年的 時間，任意拿走什麼～一切都是選擇～大家有同樣的機會，同樣的時間，三年後你拿走了什麼，就要看你今年負出了多少努力了！不要在三年過後才去後悔～大家真 的要認真地計劃這珍貴的大學生活啊～

---

Ocamp回憶錄（二）：

給輔員的話
今年的輔員好多都好正～輝爺，米仔，索ｃａ，rie, wa，兩隻豬，eric，doris, connie, Jeffrey, 平，sonia，四叔，janis，bowie等．．．真係好正呀～這年我要去深圳實習了，好想同佢地keep倒呢！

輝爺，你真係好正呀～做倒野，傾得埋，有責任心，我想你是這組最受 歡迎的人呢，大家對你的印象也很好～我同你這幾個月一齊可算是共過患難了！因為真係做得好ｐｋ！哈～同你一齊吹水，一齊諗slogan真係好開心～我上年 又係slogan部主，我知道有多辛苦呢，今年辛苦你了！

米仔，最辛苦就係同你一齊返大陸pre pre pre camp，那次真係好難忙，超級辛苦，在東門迷路時真係神志不清呢～好彩我地兩個都攪得好好～大家都對我地core的安排很滿意～我更聽到， preprecamp才是我地最開心的時候呢～我幾認同啊～今年跳舞好彩有你同connie～同你一齊成日都好爆笑，你一淫笑我就覺得好攪笑，當然還有你 的淫slogan，同淫手勢．．．真不愧為風月三俠之一！

索ｃａ，在組中我最鍾意搵你玩，我覺得你超級得意呢～很難想像如果 你係我組媽會怎樣～哈～雖然你外表咁得意，但我覺得你係一個幾成熟的人呢～很正的一個朋友，又玩得，又傾得～有時你做ｄgag野真係好爆笑～血鸚鵡，好有 腦；血鸚鵡，好有腦～哈～～～～

Rie＆Wa，在組中都係後期才跟你熟，本來我冇諗倒你地咁玩得， 咁有經驗。係火麒麟入面，你地真係好重要，使我好放心～我地三個都可以帶倒組，這樣的配合好正～加上我地ｄ組仔女都好好，我覺得我地那組可能係八組之中最 好的呢～Rie，那晚跟你去買組飾加吹水，使我確認你成為我的好朋友呢～我可以感受到你對朋友的真誠～我不開心，你咁忙還陪我，真係超感動呢～在正營中後 期，好多時我都迷迷糊糊，有時或許靜了下來，反應慢了，尤其係藝墟附近的時間，對不起呢～你是我見過數一數二咁錫組仔女的人～真係一個好組媽！

阿華，你的氣度同埋遊戲經驗真的使我佩服～雖然我地話你係雞巴，但 其實個個對你的評價都好正面呢～超讀得，超玩得，仲想點呢～魚樂無窮如果沒有雞巴，真係沒有今日，我覺得雞巴絶對把魚樂無窮的士氣提升了不少，這是阿花做 不到的:p，其實你有實力做大組長的～我覺得你真的要考慮，我覺得可以改善的，就是一份魄力。正營中，或許你很倦吧，所以早段表現有時頹了下來，但食宵後 反而你變得很精神～真不明白呢～～如果雞巴華可以朝氣勃勃，精神奕奕，一定可以領導到別人。我也曾對銘說過呢，要motivate別人，便先要 motivate自己！即使自己真的頹下來，在別人面前，也要hyper，那別人就會跟隨了～所以下年做大組長時，不用擔心的～作好準備後，你出幾多力， 就會有多成功了～

Kenny& joann，其實我在大組聚時都幾怕你地架～我覺得你地比我玩得好多，你地串我的話我死梗～不過你地好好呀，反而覺得我好好笑～孤掌難鳴，係你地我才可以 發揮倒～我最拍攪gag冇人笑你～你地係度我就好放心了～今年本來很想同你地一組，最後還是沒有了～很可惜呢～開頭阿銘擔心你地會小圈子，我很快就放心了 ～你地雖然成日係埋一齊，但都成日搵其他人玩丫～Kenny，我見倒你有時看到一些事會出來抱不平，不知你會否真的不憤呢～我也很多時都會這樣的～其實世 界很多事都係很不合理的呢，因為很多人做事都係看利益，之後再合理化那行為的～如果考慮別人的利益＆目的＆處境而解釋合理與否，便可以理解別人了～～清楚 過後，便會覺得冇咁嬲了，只是平淡地想著“真係好狗！頂！”～我覺得這樣自己會舒服一點～

Eric，如果輝爺不是這組最受歡迎的人，那應該是你了～尤其係女 仔，好多都話你好好，好細心～雖然你讀engine，但未來搵女朋友應該不用擔心～要 keep住啊～你教我踏單車的大恩大德真係一世難忘！組內你真係算係最好人了，我覺得你可以給自己多點信心啊～這樣定能使女仔著迷～唔計出去玩，同你＆輝 爺一齊食飯那段時間是這暑假最開心的時段呢～

Doris, 雖然我地好後期先識，但好快你就可以溶入我地那組，即係好ｏ岩key啦～趁青春，結步向前行～想不到你的新亞精神那麼強，我也被你感染呢～雖然我同你都要 離開香港，會少見面，但我相信我地可以成為好好的朋友呢～你要盡量黎輔聚啊～

Connie，大輔花，唔駛講啦，冇你的話阿銘一定唔掂。這個 ocamp真係辛苦你了，我覺得阿銘真係俾好多野你做啦，最後我也只去了beat, slogan＆歌度幫手，你那邊的工作不能分什麼憂～要一個女仔做咁多野，真慚愧呢～最衰都係阿銘啦～哈哈～大家都係醫學人～看看我地遲ｄ可否搵野一齊攪 吧～

Jeffrey，我覺得組內最似大組長的人是你呢～你唔做大組長真 奇怪啊～大家一開始對你的感覺已經很好，那次到你家打邊爐更使大家眼前一亮啦～不過有ｄ女仔向我投訴你少同佢地傾計噃，你看你幾受歡迎～呵呵呵～今次我地 帶beat部十分成功呀，ocamp最開心就係同你＆其他人一齊傾點帶beat，叫到聲沙力竭都抵，ocamp就是要豁出去嘛！Jeffrey，我還是很 有興趣去睇廠呢～我在豐田汽車身上學到一點方法，可以大幅降低存貨，經濟地小批量生產，唔知可否幫倒你～有興趣的話我地傾傾吧～

平，我地真係幾有緣，想不到我sit FIN4050時撞倒你，ocamp我地又一齊，我以為那course全都是yr3呢～雖然我讀中醫，你可以當我係BBA人啊～有咩傾都可以搵我～雖然人 地話你頹，但後來你證實左你一ｄ都唔頹啦～開頭我擔心你未玩過大ｏ，可能會冇咁好，但結果剛剛相反啊～你攪得好好，氣氛也好好～好彩有你！我覺得你 ＆Jeffrey都係好掂的男仔呢～不過，有事你要挺身而出呢～聽
說有時你頹了，會扣不少分啊～我想做leader同樣要這樣吧～

Sonia，都唔知阿銘點攪，我地兩個互相preference的 人都唔可以係一組，頂佢！你既效率比我想像中高好多呢！竟然一個人可以聯絡晒成組！同你傾計好舒服啊～我可以暢所欲言，你係少數我講商業野反而會有興趣聽 的女仔呢～仲要有貨回應我添！好野！我地實keep倒～真係唔駛擔心！遲ｄ我要請你來我的讀書會吧～看看你是否感興趣～

四叔，雖然我地組咁強，但我覺得組內的壓力一點也不大，最重要係因 為有你，輝，eric等又玩得，但又唔串的人呢～我覺得這是最好的～好可惜你暑假中有幾個星期要去做野，黎唔倒我地既輔聚啦～遲ｄ要多ｄ黎，補返數啊～同 你傾計又係有同rie傾計的感覺，覺得你好真誠， ocamp中我地還沒有太多時間傾計，希望遲ｄ可以約出黎啊～

Janis，Bowie，我要say sorry呢～你們兩個都是受我反擊過的女仔～我玩得太盡呢～不過你地好大量，很快就冇事～尤其係Bowie，我真係好驚你會頹左落黎呢～really sorry~~

Mik，咁快我地就相識一年了，今年玩camp的感覺好唔同啊～你 也變了，變得成熟了一點。恭喜你丫，有個咁靚既女朋友～不過你今年好像變gap了，真係十分攪笑～不過，雖然我地笑，但係我地真係笑一笑架啫，無損你的形 像的，你可以放心～今年你要返工，做野相對少了，也遲了一點，以後要小心啊～答應了就要做得到，否則就不要去答應，寧願認輸說做唔倒呢～誠信可能要五年來 建立，但破壞它，五分鐘就夠了～希望我地再有機會合作～～真係十分喜歡你的gag!

Brian，不知怎樣你同我係組內都算幾熟，可能是我地頭幾次輔聚 也坐在一起吧～唔知你design部攪成點呢，但好像你跟組內的人都唔係好熟～我覺得在一大班陌生的環境，有熟人係好，但要小心，千萬不要只黏住熟人呢， 這樣會形成小圈子；時間長了，大圍慢慢變熟了，如果不及早同大圍打交道，就會變gap架啦～下次主動一些，向大家自介，講ｏ下笑，盡量識人吧～出得黎行， 預左要玩～

喜儀，雖然我地唔同組，唔同部，但我知你暗戀我呢～哈～好攪笑，每 次水戰你就會黎集中射我了～組內最喜歡看書可能是我地了～我差不多一兩個星期就會出旺角行一次，遲ｄ一齊去吧～

欣欣，我成日見倒你面紅，以為你化了莊，原來唔係，係你本來的面 色！非常好呢～上年遊戲王太好玩了，你對今年很高吧～唔知魚樂無窮可否滿足倒你呢？我覺得我地攪camp係成日玩，玩熟啫～這只是個開始！之前其實個別傾 計的機會與時間不多，我地盡量放時間去建立友誼吧～我真係覺得魚樂無窮的輔員好難得啊！

還有其他輔員，我都想向你們說聲多謝！給了我這個咁好玩的 ocamp…說真的，平時我係一個好正經的人，生活都幾平淡，今年ocamp真係被我可以盡玩的機會，心情十分開朗～最開心係可以識倒一班好朋友！我很想 未來可以keep倒，但我知道這是有一定難度的！魚樂無窮與正營把我們聚在一起，這幾個月我們都為這艱辛的目標共同努力，現在正營過去了，形成了工作上的 真空，這是對我們的考驗！開學後，大家便回到自己的岡位去，繼續走自己的路，這是最壞的事！其實我很想我地可以開始新的活動呢～例如飲食團，玩樂團～每個 月一次，或者兩個月一次～分工合作，大家一齊出貨～有時未必一定要成個大組的輔員一齊出去的，幾個人com，跟住在newsgroup post等人報名就得～現在我們已經沒有職位了，沒有輔聚部，沒有了大組長與core，所以維繫友誼的責任，便落在每個人的手上了～

我要離開中大了，你們可能是我最後一批新朋友了！其實真的有點失 落．．．那麼快學生生涯就完了．．．很掛念呢～一路讀書，社交圈子就變大了，但一離開校園，便各散東西，社交圈子驟然變細了，尤其是如果我們的工時長的 話．．．我真的很誠意地，想與魚樂無窮每一個人做老朋友！我想像到，在我的婚禮中，有兩三台魚樂無窮的人，兩三台或許是十多年的老朋友，是多快樂的事呢～ 你們也是，如果是結婚的話，必定要俾炸彈我哦～

我如果不是讀五年的話，早已經畢業了，也就是說要在事業上作出選 擇．．．這是我們大學生的難題呢～我覺得這一代最大的難題不是路難太行，而是不知要走什麼路．．．這有機會使我們 depressed呢～我也常為這些問題而傷腦筋～金錢係一個考慮，晉升係一個考慮．．．我們有很多考慮．．．我識很多在職的人，大家如果想搵幫忙，我很 樂意去幫大家呢～我也喜歡跟別人討論這話題～不過我覺得，大家不用那麼迷惘的，生活其實可以很簡單：有一班好朋友，有一個好伴侶，一個好家庭，即使我們做 什麼工作，生活有多艱苦，都是有價值的！欠缺以上的，工作有多好也是沒有目的，沒有意義的．．．

因此，各位朋友，真的，真的要珍惜眼前人啊！千萬不要放手！

---

Ocamp回憶錄（一）：

六日五夜的ocamp完了～好似係一個好長既camp，但感覺上卻 不太長，可能是快樂不知時日過吧～

為什麼會是六日五夜呢？ 因為我跟米仔和輝爺在Day-1已經返左去傾Slogan＆歌既野，其實Day 0時我係好驚的，因為那天我只睡了３個鐘，我在下午的時候已經覺得眼訓了，所以我知道，除非我在Camp中keep住Hyper，否則我一定會瞓低．．． 所以在Camp中，我盡力這樣做，要睡，就等我攪掂個camp先一次過瞓到死！這也是我那麼遲才打感想的原因！

成個攪camp的過程很長，最開始是阿銘打俾我，叫我做core， 我那時都想支持佢，但我上年答應了阿細做core，所以那晚我還是半推半就，後來知道阿細唔做，我才可以一心去支持阿銘！

說真的，由始至終，我的想法是很分裂的．．．這可能是我最後一個悠 閒的暑假了，我很想把握這個暑假去學一些很大的topic，我也有了很多計劃，但我答應了銘做core，說得出就做得到，但卻會用上我很多時間．．．所以 間中我其中一方面做得不好時，我都會很depressed。阿銘、陳輝、米仔與 eric，你地應該可以感覺到吧！這是我的問題．．．朋友，讓我在此說聲：對不起！

整個ocamp，有很多很難忘的片段，令我很開心，回想起來，使我 很感動．．．記得跟米仔與阿銘返大陸pre pre pre camp，那天我病很都幾利害，米仔與阿銘之後到給我傳染了，那天很辛苦，但之後pre pre camp真係好好玩！係我玩咁多個camp之中最正的！雖然，中間有些時候安排得唔係咁好，但魚樂無窮的輔員個個都好仔！那天我便肯定了，魚樂無窮必定羸 盡ocamp！

precamp係我緊張的日子，因為我知道precamp的勝負其 實對輔員的氣勢都幾重要！在此，我想阿銘跟我早默契了～上年女王騎士團在precamp 中很頹，全輸了，食飯更是男女分開，冇乜話題～今年我地卻全勝了，男女都玩得好開心！上年很多粗口．．．誰說玩camp要粗口！？我地有雞巴一樣掂！

precamp後，十分倦，頹了下來，到茶樓給Bowie串倒 了．．．哈，我係有ｄmind的，但其實不致那麼mind，只是那天很倦，想不到怎樣反應了～一不做，二不休，才想到咁絶．．．一定嚇壞了你了， Bowie，對不起！我覺得我平時不是很活躍，有時不懂收火，一玩就玩得太勁了！正camp前炸版也是同樣的道理．．．

pre camp後，阿銘便離開了，米仔又病了，所以很多時都要靠connie與我負責攪活動，好彩有connie係度，佢學了跳舞，又約人打電話，分派工作做得 很好．．．我覺得自己很白痴，到依家還未學識那舞．．．丫，記得有一次輔聚係去唱k！其實我唱ｋ係好廢的，識唱好才歌，仲要係舊歌，好好呀～大家都冇話我 out～最爆笑係唱＜＜爸．我回來了＞＞～哈～那次真係笑到我飆眼水～～

八月反而是我工作量比較少的日子，很多部的工作已經分好，所以很多 時候我都是落去不同的部度開會＆玩～那段時間是最開心的，不用做，又有得玩～記得八月中左右，我成日返中大睇書，那時日日跟Eric＆陳輝在學生會室度吹 水，那時真係好開心～我也跟他們成為組內差不多最熟的朋友～

正camp前最後的輔聚，便是去梅窩！雖然那次落大雨，但那個 camp比我想像中好玩！我好開心！可以同大家一齊踏單車，很多謝大家肯陪踏得很笨的我，尤其係eric，連我都開始有點脾氣時，他還是很鼓勵我！真的很 感激呢！

Day –1，我跟米仔同輝爺已回到學校攪slogan＆必＆歌！那晚是第一次只得風月三寶係度呢，所以也發生了化學反應！雖然後來被阿銘丙，但那晚真係整個 camp中最開心的時刻！可說是將我地玩人既功力發揮得淋漓盡致！很正！最後給阿銘罵了，因為他要揹鑊，也怕傷了四組和氣，挫了自組銳氣．．．所以，我向 他保證，魚樂無窮一定會係最掂！氣勢銳不可擋！

Day 0，很不好彩，我九點鐘就俾secur趕走，訓得三個鐘，唯有到林輝明等紮旗！又很不好彩，組旗有了bug，做唔倒魚樂無窮的效果！那時銘又用 shopping串我，灰爆．．．使我很嬲啦！我想：我為佢做咁多野仲成日串我，頂佢！哈～阿銘耐不耐就會做出ｄ騎呢野，使我好唔鍾意～下午越來越多人 黎，我覺得好開心呀～上年女王騎士團，下午都係得幾個人，最記得我同蛋係度紮旗．．．晚上係度諗<<我至gap>>同埋表演吊 環，笑死．．．今年，我下午便開始染髮，做實驗品，這次是我第一次染髮呢～一染就染成這樣，我也不太習慣自己，不過玩得ocamp，就括豁出去啦！染髮 後，我與beat部便開始諗大組必的姿勢，哈～～～笑死我了～～同米仔＆輝爺＆Kenny係度狂發癲～～勁想用郁頭那個動作呢～～癲左好耐，最後那個可稱 霸霸霸那個雙腳落地真係好正～最衰唔係合埋掌！

好彩有Rie&華係度！因為大組必未finalized既 時候，其實火麒麟還未有組必！我要去攪大組必，剩下Rie&華去攪細組必！這是我幾擔心的！因為細組必對細組的士氣真係好重要架！Day 0真係好多笑呢～最正係我見倒開心的飯煲一個人係度諗必，不停係度講“血鸚鵡，好有腦”，笑死我～索ca佢真係好鬼得意！勁鍾意同佢玩～不過最後， Day0還是攪到４點先訓，收完錢，吹陣水，五點正式訓，八點起身，又係３個鐘，究竟ocamp頂唔頂倒呢？

Day 1黎了～頭兩個見倒的蕃薯人（Freshmen）就係David&阿田！佢地真係好鬼似呀！仲要兩個都係白色衫！看見Katrina時，我有點 surprised，我以為佢係好文靜的呢，想不到反而有點sporty～另外見倒Fanny時真係眼前一亮啦～佢係一個好唔似蕃薯的蕃薯人，我對她的預 期本來都很高架啦，但最後更超出預期～好野～好好彩我的組仔女都幾好～加上輔員質素好～那時我有預感今年應該會不錯～使我擔心的係，唔知邊個話阿文好頹， 最後人們便叫左佢做頹文．．．又幾啱喎，我真係覺得佢幾頹．．．唔知係咪因為標籤效應呢～ 當時我都幾怕會傷害倒這小蕃薯人的心靈呢～

Day 1的遊戲係最變態的，我不知是不是因為這幾天還在做slogan部的事，所以個腦仲未tune返正！成日嚇親ｄ蕃薯人啦，尤其係Karen啦～真係唔好意 思～ocamp就是這樣，豁出去了～～～不過慢慢我都冷靜返，變得正常一ｄ～晚飯後被召去開treasure hunt會，錯過了片人！我好唔開心呀！我的朱邦鏈球菌出左，但我竟然唔係度．．．灰爆！ Treasure Hunt都幾悶，我同Rie還在諗必～那時我真係覺得Rie好好呢～係一個好好既組媽，十分有經驗！同佢hold，完全不緊張！晚上我地成組去左玩水戰， 勁開心呀！都估倒之後個水戰頹架啦！我很自豪火麒麟有自己的水戰呢～不過阿華點都要玩咁耐，其實我個人傾向見好就收呢～我那組很乖，沖完涼便傾外訪～我就 被召去開小組長會．．．很漫長的會呢．．．最後４點幾訓

Day 2，外訪，攪得好好～好開心可以同Fanny一齊買物資～途中傾左好耐～外訪途中，華很倦，所以我便跟rie到外邊準備中午lunch，同埋買野食俾組仔 女～間茶樓好正．．．不過最衰今年咁遠，否則可以去唱ｋ呢～（不過我有冇聲唱又係一個問題）Napoly係我想死的時候，人文館超級局，熱似地獄， napoly中醫師工作煩悶，但要不停講野，連Rie的脾氣都變差了！最後我地提早收工，返房小睡半小時～晚上聽talk，是我敬重的陶國璋，談起情，當 時使我想起很多事．．．每次聽佢的talk都是這樣～今年個talk真係唔錯！跟住水戰，我的武器十分頹，在ｏｃ安排那麼差的環境下，幸好魚樂無窮氣氛總 算不錯～晚上火麒麟黎個吹水會．．．不過你氣氛就不太好．．．我覺得組爸組媽很失敗呢．．．我真的很想帶到大家可以互相傾～無人駕駛也可以滔滔不絶～～今 年大家太禮讓，太乖了～我地又帶得唔好～唔夠爭議性！那晚睡訓時，有點失落呢～不過已經是五點了．．．我要珍惜時間睡．．．

Day 3，今天感覺到十分倦了，已經是第五日只訓得三個鐘，只有hyper才可以使我精神．．．早上大組競技便可以了！這是魚樂無窮的強項！我也是我 ＆Jeffrey&輝野＆米仔＆Kenny發揮作用的時候～我覺得今次帶氣氛真係唔錯！當然，也因為我地全羸了吧～不過，大組競技後我便知道大件 事了，由失聲到了完全失聲了．．．之後我地去四院互片．．．真係悶爆．．．那時我便開始眼訓了～同Janis, 阿細, 阿cat, Joann&kenny豬的對答也開始變得模糊了，開始出現夢境與現實重叠的感覺．．．執好大組基地後，便到藝墟陪仔女行～之後到公平宴！想不到 今次自己的作用會咁重要！透過串通，老笠，走私，雖然自己升唔倒班，但隔離的兩組也可以升班了～不過好彩有Fanny，肯站出來幫火麒麟做軍師，給我指示 去做事～佢實在太好了！Ryan就頹啦，真失望！哈～食飯的時候，我又開始倦了．．．晚會的氣氛不錯，但很迫，火麒麟的位置又不太好～囡囡Fanny成為 了大組花，我梗係會支持佢啦～所以晚會好多悶場我都替她出貨！佢台上的表現也很好丫～哈～不過有點兒太好了，羸得太多，最後魚樂無窮還是羸不了～不過老實 講，誰是今年的院花院草，全場都心中有數吧～魚樂無窮真係羸晒！跟住到食宵，這是我跟Rie最擔心的～因為我地本來想準備遊戲的，但最後還是沒有時間準備 ～我上年的經驗，食宵係好熱＆好倦＆好悶的．．．不過今年又幾好喎～大家搓ｏ下梅，飲下酒～～想不到Ryan咁廢，一支diamond black咁上下既野就玩完！頹爆呀！哈～～Fanny還是不可挑戰的黑白芝麻王．．．超級勁！不過我有點慚愧啦！因為自己搓梅好廢(rie都係)，所以 都唔係真係帶得好好～同埋，上年女王騎士團的人又黎，要出去吹水啦～我又再次變成唔“痴”家了～食宵中，我狂飲，好想醉倒，因為本身很倦了，醉下來的感覺 會很好呢～最後core&輝野＆阿銘等人出去說出深情，豪氣的說話！這幾個月，大家共了患難，我地永遠係好兄弟！阿銘，我也不負你所托，做到想要 的效果了！那一刻跟大家擁抱，真的很感動！！最後要走了，回到房中，有一點醉意，阿華也一樣吧～正好頹文跟我同房，便開始向他訓話了，因為佢成個camp 都好頹，那真是肺腑之言啊～之後佢真的變得冇咁頹，仲出去玩忍笑王！幾好丫～～當人齊了，我地便玩Fanny的歐洲話事pair，幾好～不過我不懂收火的 性格又黎了，越玩越癲，可能是因為輸得多的關係吧～～最後尾益左頹文啦，俾佢係Irene上面做掌上壓！哈～～幾好玩～最後大家吹水時太倦了，又掌握不到 射鼻子～～不過，那天都okay好玩～～最後７：３０訓

Day 4，７：４５起身．．．被人呃左要８：１０攪掂，原來係８：１０先開始攪．．．灰爆，火麒麟唯有係大組基地休息，不過都okay...我再訓多１５分鐘～ 之後便去影大組相～今年時間少，影左左地方，最少冇去合一亭啦～最後去了閉幕禮～阿銘今次講左好耐，但都講得好順～這才似樣嘛！其實當眾講野冇什麼大不了 的～慢慢講，想講什麼就講什麼吧～冇人吹得你脹的～那時我已經完全失聲了，去茶樓時已經講唔倒野，要rie&fanny幫我傳話～那時組內正在玩 忍笑王．．．見倒頹文咁勁，立刻想起去挑人機！那時本來拿個釆，點知原來隔離組都仲有忍笑王，哈～～最後又拉埋shopping出去玩～笑死我～～如果我 玩既話一定輸梗～最後散了，火麒麟第一組大叫byebye，其他組也相繼dem必說再見～感覺很好，由頭到尾，都很有spirit～今年的輔員真係好強， 同上年冇得比～入左哩組，真係好正！

籃球比賽

尋日，一早起身要回中大代表中醫學院打籃球。因為好多人都好似唔 黎，為了中醫的面子，只好十分俾面地出席．．．要說是俾面，因為如果是正常的話，我必定不會去，對手實在太強了，而我那隊的人則好似好多都唔黎，全無士 氣，最怕是我的腳本身有傷，加上之前站得太久，惡化了，再打我怕會手尾好長．．．不過我還是去了，just for you, cmed!

尋日突然想起之前一個癌症患者的訪問，患者是一個十分樂觀的人，面 對著世紀絶証，還可以快樂地面對。他說：當你知道自己有癌症時，打擊是很大的，但當你慢慢明白，這是不能避免的，那就是命運了，那就是自己生命的一部份， 得要接受自己，愛惜自己的生命！

多利害的人，他的想法勝過不少空淡的哲學家！如果可以像那癌症患者 那麼樂觀，我想無論要面對什麼事，那一定會有一個很快樂的人生。快樂與否部份在乎於外在的事件，但也可由自己決定。教徒會告訴我，神會帶領我到最快樂的道 路，我想就是這心態上的改變與接受，使一切的道路都變得是正路了！我的宗教依然是那麼堅穩，那麼實在有用，發展得太好了，真的感謝神！

親情

今天,我買了爸爸喜歡吃的糖給他，是我鮮有的行動．．．
我跟他說：”買給你吃的”
他沒有正視我，只是微笑著說：”那吃得那麼多！”
我感到他是真的高興的．．．
事後在房中想起，自己怎樣不對父母好一點．．．他們是我的恩人，是 真正愛我，真正關心我，而且不求回報的人，這是真的感情！我可以齋想像剛才的境像就可以足以使我感動至流淚．．．只有對親人才真的值得付出！

投資與打牌

今日我跟婆婆，阿姨與家姐打麻雀，好讓阿婆冇咁悶。今日家姐好旺， 成日食，阿婆一直都幾好技術的。規則是４番最大，可以食雞，家家松，跟我玩３番起糊，８番最大，全松，不同。不過，很快我也熟習了。然而，我還是不停地 輸。試過被截糊，試過叫三飛，等了很久也食唔出，試過兩三次第三次摸牌就叫糊也食唔出。開始的時候，心情有些搖動，始終三圈不夠，我已輸掉了１００個了， 即三分之一的籌碼。

然而，我檢視著自己的牌技，並沒有太大的錯誤。我很出打出輸錢，多 數都是別人出沖或自摸使我輸錢。而且，我常常都叫糊，並叫得挻好的，吃不出是運氣的問題。當時，我立刻想到投資：即使我做了很好的投資決定，也可能會出現 虧損，並維持一段長時間，但那並不代表技術有問題。一個很好的射手，有９０％命中率，也可以連續多次失手的。然而，長久而言，技術高的會羸，技術低的會 輸。之後，我的心境很快冷靜下來。

後來，真的否極泰來，我終於可以食出我快速的叫糊，也甚至到可做到 大一點的牌食出。然而，婆婆也是劣勢，紛紛食雞糊了結，我始終不能收復所有失地。最後的半小時，我賺回７０個，是之前兩小時內輸掉的７０％。

2004年

朋友圈

中學
１同學
２JSSS
３JSSE
４師兄
５師弟
６青協
７華英
８St. Paul Secondary School
９Tansy and friends
１０包美達義工
大學
１中醫師兄弟
２普通話交流團
３中貿交流團
４新亞迎新營０４
５新亞迎新營０２
６BBA
７哲學堂同學
８語文桌
投資
１價值投資人
２卓萌計劃２００２
３卓萌計劃２００３
澳門朋友

中貿交流團記敍：

第一日
１報到
一去到，跟Andy打完招呼後，我就跟組員說我係佢地組爸，跟住叫 佢地去點名～哈哈～她們都很相信我呢～不過之後我都自爆自己係參加者了～
２訪問中山大學
這個活動比較冇乜野，不過中山大學既學生會ｄ人真係好鬼Talk 得，講野都好似辯論比較咁。跟我依ｄ詞令唔係咁好既人，真係差很遠。他們都認為中文大學很不錯呢～去到見佢地有個課室，我有念頭想入去講”Good evening, Students!"，扮阿ｓｉｒ
３酒店玩遊戲
ｄ遊戲就很簡單，不過ｄ人夠投入，都幾好玩。大家都很乖的，沒有過 份的淫賤遊戲～其實咁樣玩都幾好玩丫～有時太變態不是太好～
第二日
１參觀金發科技
銷售額增長很快，是中國樹脂的第一大生產商，上年１３億銷售額。顧 客有各大電器生產商。盈利在油價下跌時都沒有了，近來的情況好了。成本上漲時，主要會將成本轉移到小的客戶身上。市場增長很快，今年已經有２７億銷售額 了。投資方面，也跟隨銷售額上升。
２參觀建設銀行
四大銀行業務漸趨相同，會價格競爭的出現，但只屬短暫性，而價格也 有。個人零售市場是增長點。存貨差市場風險較高。同行壞賬比率大有改變，達國際水平。保險市場已經開放給外資公司，份額漸漸擴大中。
３參觀珠海海關
得知佢地有好多活動，好多人都想做開海關，因為人工高，福利好。我 對海關認識與興趣都不，沒有什麼收穫。
４參加暨南大學迎新晚會
地點在一個奧運場館。門口站著的接待員們超級地靚，難以想像係學生 來的。場館很宏偉，台上的司儀打扮十分莊重，一一都穿上晚禮服。當晚有好多節目，令
我最印象深刻的，就係女高音同埋民族舞。女高音真的十分利害，功力 甚至在齊豫之上，一開聲根本完全同其他人唔同！民族舞的女仔超級地靚，跳得十分投入，表情十分自然．．．我為自己中大感到慚愧呢．．．整體而言，那晚會十 分好，節目十分緊奏，質量也很高，是個難得難忘的活動。
５行夜市
從晚會回來，已經十一時多，我們去了附近走走。大家都到了一個地下 賽車場玩，我也有參與其中。那是一個小型賽車場，＄３０十分鐘。我係一個安全駕駛者，所以駛得唔係好快～哈～不過都有追過ｄ女仔既～總算是刺激，不過我玩 一次就夠了。那快感跟投資成功差很遠～我喜歡後者～在週圍的夜市走著，食左個好好味的上海里脊，之後去左間coffee shop食既水果雪糕就不太好了。
６玩Game
等左好耐，ｄ女仔都係返晒房，仲要我出錢租麻雀，結果冇人打，浪費 了。兩晚在看電視，都是看廣告台。那台不停地sell 減肥美容產品，用了很多心理技
術呢～我喜歡看那些節目！最後加上我，只係得六個人，玩了一陣蓋棉 胎，之後玩心臟病。同組Leon係條Gap友，我出題話每人改個三個字既花名，我叫紫羅蘭，佢就話自己係阿輝更正左佢之後，佢就話自己係劍蘭！哈～笑死我 ～之後，我出題五個字既食物，阿輝話魚香茄子煲，我就話椒鹽獅子魚。跟住大家都話會太難，咁我就話改兩個字既食物，我叫炒飯，Alvis叫自己做薯 條．．．停左一陣，Leon條Gap友突然話自己係豉汁蒸西瓜！！哈～完全仲係諗緊十秒之前
既題目～哈～跟住佢就再講”我係水果”！哈～話明係一樣食物嘛～真 係唔知佢係咪有心攪Gap～我們都給他"Gap霸”的尊稱呢～玩完這個，大家都有點倦意，我就提意見好就收～大家就結束遊戲了～雖是短暫，但總算是個開心 的晚上！
第三日
１參觀深圳經濟局
起身好鬼倦，食完早餐就去探訪深圳經濟局。知道了自由行的影響給酒 店破壞了很多，CEPA的影響因手續麻煩也減低了。工資方面，基本上沒有上升，一般在一至二千元。房地產是過熱的，其他行業的均有很大的發展空間。
２參觀鹽田港
之後參觀鹽田港，大概了解港口的工作是怎樣（船公司，代拖？）鹽田 港的潛力真的十分之大，我想香港很快會失去優勢但兩者均為和黃，鹽田更是第一間國內私營的港口，有很大的壟斷能力。（水深，地理，費用，航線）都是考慮因 素。
３深圳書城
最後一站就係書城，也是我最喜歡去的地方之一。因為得一個鐘，我要 用極少時間去買我想要的書。最後總算買左好幾本。

遊戲
1 1/2xup/down
2 罰: 五句示愛對白
3 罰: 中大
4 罰: 巴雷舞
5 男得女唔得

我想起的遊戲:
1 廚房起菜

2004 年 05 月 15 日 星期六 【晴】

朋友的高要求：

(Samantha must be kidding)
有個朋友給了我她男＆女的要求
十分有趣的～啱唔啱都值得睇！

男：
即係咁，我講下我覺得我點睇男仔ｌａ
人靠衣裝，第一眼一定睇佢點著衫，唔一定要件件　burberry，michael rene，chivegnon,   wrangle, levis, iceberg, edwin,
但唔可以太差個樣同個頭一定要 smart，舉止要有風度，2個人食飯要同女仔拉chair,女仔坐先到男仔，同女仔出街見到門男仔先要上前 拉，女仔過0左先到男你過，女仔law重野男仔要自動幫手，留返手袋比女仔ling就okay

男仔行路應該在女仔一步以後，行前代表唔尊重出街一定要帶
tissue，行路腰要直，socks要深色食野用刀叉要chit到細細舊先擺落口，食完要放好刀叉, 飲飲品要斯文，端酒杯要端好，,食中菜 先gap比人行路要似返個紳士，腳要行得直，咳要咳得斯文，打完hatchi 要sayexcuse me
仲有洗完手要?手，?手先?手背，再?掌心，?完對摺先掉落垃圾筒 u know?
唔係我奄ｔｓｉｍ，你唔覺得一個男仔可以做到咁，好有家教同埋有氣質？

女：
女仔行硌要斯文，腳根先落地，慢慢到腳TSIM,
手擺要自然，我的要求是要行到似清代宮入面的人一樣眼要正視
出席公開場合，談吐要有儀態,說話應該少用粗鄙的語言
見到朋友要打招呼，至少要點頭
動作不[能太誇張，笑可以LO上齒但不能 LO下齒
梳妝要在洗手間，拿手袋前前腎要提起
衣著要大方，不可以不輪不LUI
要化妝就要襯返件衫，唔好著 t shirt 都化到成隻雀咁
鞋同衫一樣，一定要襯好唔0岩自己style
的就唔好人穿上身佢又穿
腳粗唔好著短裙同中boot，下身肥唔好著緊身 trouses
腳短唔好著 dee 大出的 socks e.g. 魚網, 螢光色
腳大唔好著tsim頭鞋

仲有，買衫一係買件好，唔好買3-4 件 cheap 野
colour 要 balance, 最忌上重下輕的感覺
還要depends on skin colour
我似我白的人不要穿卡其色的衫，面菁不要穿綠色
穿紅色不可以化濃妝，wear brown color 要用橙色cheek
color，不可以用pink, 頭髮不要五顏六色，要natural, 鞋底不要厚身，一係丁字，一係一字 tsang
仲有，要 polite

2004 年 03 月 21 日 星期日 【晴】

關於我的恩師

其實有好幾位
1 鄧sir
係我的中學老師, 中三至中七的班主任
佢好多時係啟發我多去參加活動, 給我責任與權力, 對我個人發展影響甚大
沒有他, 恐怕現在還是不知何世的普通書生吧了
2 Charles Munger&philip fisher
我地大家都唔識的, 但我很欣賞佢地既思想與世界觀, 還有很多, 不能盡言
他們對我的思想與行為都有幾大的影響
獨立思考的能力, 真的是向他們學習的, 沒有他們, 或許又變成烏合之眾的一份子了
3 Alico Ho
她是我的Mentor, 佢在Asset allocation上教左我唔少野
不過佢位高權動, 真的幾難見倒佢, 但那方面的知識, 真的主要是她帶給我的
4 Peter & Leon
peter係我的投資好朋友, 十分成功的一個年青人
雖然我同佢差7年, 但都好好傾
他給了我很大的信心, 使我確認自己投資的路向
他也很樂意跟我交流, 回答投資與人性的各種問題, 是朋友, 又伙伴, 又是老師
leon也是投資的朋友, 但平時比較少見倒佢
佢的資訊真的十分內幕, 每次見倒佢都可以知道行內很多事, 他個人本身又有趣, 十分好的老師
佢地兩個都給了我很大的鼓勵, 使我自己肯去行
鄧sir話, 做一件事不難, 決定去做先難, 就是他們, 使我決定去繼續不停向前
使我大有進步, 變成現在的我
相信未來都會繼續
5 Lilian & 苑 (愛情總是教人成長）
兩個十分重要的女仔, 也是十分開心的女仔
佢地冇主動去教我什麼, 但我間接真的學到很多東西
而佢地都好好人, 每次見倒佢地, 還是依舊活潑
這些女仔, 社會上越來越少了(我知我灰左d, 但事實就像在眼前, 幾難否認)

6 梁教援, 陳醫師
中醫的啟蒙老師!

入世, 是成熟了, 還是變得廢了?
成日聽倒人話做人, 但為何佢地做人會做得咁多問題, 咁多猜疑, 妒忌
那不是成熟, 只是變得蠢了, 變得世俗化了, 變得道德差了
是放棄了自己的理想, 做了金錢與慾望的奴隸
看了stage theory, 得知原來不是每一個人都會去到最後的stage
體現self-actualization, 怪不得社會上有咁多自私, 道德差, 貢獻少的人
或許他們都知道咁樣唔掂, 但自己無能, 又懶, 驕傲自大, 不去認錯改過
最後只好害人而不利己, 傷害別人, 幸災樂禍, 以安慰自己的弱小心靈
他們跟平靜越來越遠, 業識不滅, 實在是悲哀,

講開又講, 多謝人是一個不錯的行為
我雖不是教徒, 但我都會成日多謝對我好的人
我是受一個朋友, 和一本書, 叫atttitude of gratitude影響的
這本書是實踐快樂主義的好書, 是控制情緒, 主觀製造快樂的方法書
詳細見<<關於幸福>>一文

自那啟發後, 真的變得開心左不少, 人變得積極
受dr. chan 和munger文章的影響, 學習中醫&多學科更是有動力
現在還在學日文, 希望我可以征服語言這個弱項
那就沒有什麼學不倒的了~

當然, 表面上是很難明白我為何成日多謝他們的, 看似十分無聊
但道理就在看上一首詩, 不能只看內容簡單就算自己明白一切一樣
anyway, 別人笑我太瘋癲, 我笑他們看不穿
知音友, 真的難得, 我十分幸運~~
現在什麼都發展得不錯, 夫復何求呢~

正如f.3鄧sir啟發我的Diversification of Self-esteem, 現在總算體驗了一些
多年的努力, 總算有結果, 遲d要親自揾鄧sir先得~

>>2004年03月21日Sun 02:40:42 (GMT+8)

情人節

今日情人節，入左去陳醫師度揾佢食飯傾計
佢的想法跟我的真的幾ｏ岩
佢十分主張臨床，不重視成績
而她對中醫發展的路也很有見地，擔心中醫的承繼問題
後來跟她的女去幫佢執藥，都學倒幾多野，認返ｄ藥～
她也告訴我弦脈和左右分氣血等臨床知識，十分充實
不過真係識左薇薇先知原來佢都幾大壓力，跟我想像的不同
其實佢的功力已經很利害了，不用要求太高呢～
而且，她是個很可愛的女仔呢～

2003年

Ocamp 的感想：

過左三日兩夜的ocamp，有好多野想寫底，以下是其中一部份

給OC
ocamp之後，覺得Year2班同學好正呀
個個都好玩得，各有風格
陳生夠放，Joyce夠Man，倫夠型
Toby夠白痴，OA夠大隻，Dora夠肥（講笑）
Annie夠忙，Miki夠玩得，Joan夠豪，Connie夠靚（也夠惡）
Winnie夠禪，Linda夠男仔頭，Sindy夠美（佢成日?汗，好攪笑）
Ziv夠多才多藝，強夠神秘，霆峰三文治夠活躍（year3的，不過講埋）
美指夠功夫，Linny夠似freshmen
．．．．．．
Freshmen不夠活躍的問題是結構性的，OC不要過於自責（和責人）
今年攪氣氛班友仲好過大ｏ
大家都做得好好了～我覺得玩得好開心～～
開心就已經是羸家了～ocamp其實是成功的～

不過，Connie對我好惡，好鬼怕醜～
成日唔肯同我合作攪氣氛（即做我老婆），可惡～

給Freshmen
1要讚的是
A不少同學都幾玩得，有能力繼承OC
B雖然女仔多，但女權主義者不明顯
C成績好勁，中醫真係越來越勁了～遲ｄ可能勁過Medi

2誰是輸家？誰是羸家？
其實個ocamp唔係我地攪來娛樂freshmen的
係OC和Freshmen攪黎一齊娛樂，順手認識中大的
咁講因為OC都有俾錢，還有時間，係更大的付出者（理論上有更大的享受）
不過身為OC師兄姐，就得閒講o下中大既野，答o下問題咁
攪氣氛，玩野，諗組必，都係大家一齊做的事
可能有ｄ遊戲唔係咁好玩，或者攪得唔好，可以隨便插我地架
唔跟足我地去做，激ｄ先好玩
（可以去其他組攪人，攪ｄOC，犯規，con人，話OC冇貨 etc）
不要以沈默對待我地嘛～這是最殘忍！（沈默係最後的武器，在感情上也是吧）
遊戲有輸有羸，不過那不真正的結果
開心的人才是羸家，不參與的人才是輸家，要攪清楚啊～
下次再玩過～

3吸收經驗
下年Freshmen就要做OC個位，所以或者可以以攪手的身份去做參加者
想想怎麼協助OC的遊戲，互相完成，吸收經驗
至於話太辛苦，係正常的，如果成日訓，咁營費又幾爽喎～
4不要只顧讀書
收倒風，Freshmen今年讀書好勁
不知大家是多才多藝，還是獨孤一味呢？
多方面發展梗係好啦，但如果自尊和成就集中，有一定危險性了
其實玩多幾?野，不一定會使學術差ｄ架
達文西都玩好多?野，當中互相啟發，最後事半功倍～（中大都係好多依ｄ人）
有好多野唔可以o係書本上睇倒，單是中醫也是
參加多ｄ遊戲，尋找自己的意義
了解什麼是社會，什麼是人，比讀書更是重要！

5多用Library
俾左四萬幾蚊學費，好多都係去左library度
你唔去睇多ｄ書，我就要向你道謝了～哈～
圖書館入面有好多正野，乜都有
得閒可以去睇睇書，學多ｄ中醫以外的知識
達成”一個學費，多個學位”的目標～

今年最popular既女仔係shirley
可以做佢組爸，又有Connie陪，真係開心

趣事：
１Ziv撞柱
在文林和CKB的路上，ziv掛住講野，撞左埋柱，攪笑～
陳生跳舞
２陳生跳小忌廉唔駛多講啦
３Toby羸左
廚師起菜，有一次Toby Load左好耐，唔知出唔出好
最後尾都出，那時已經好遲，知道輸梗，要罰跳舞
點知有個freshman仲遲，跟住toby就好開心咁話：Yeah，羸左！
９９步笑１００步，服左佢
４Camp後乒乓
我心諗：反正好耐未試過咁倦，要試試最倦會係點
ocamp完左，我就同toby仲去打乒乓波打到六點半
結果我由九點訓到八點，熟睡，依仲全身都痛，懷疑係血不養肝之故
５Fancy信徒
我三日（計埋ocamp前一日）都係訓左５個鐘左右
仲要係依排都麻麻地夠訓．最後一日食早餐時，我望住條腸開左入定
有組女叫我我都唔知，佢問我係咪信徒，哈～
６八段錦必
SciFac競技好悶，見人叫必叫得咁開心，中醫都要叫o下，支持o下ｄ參加者
但又冇乜貨，同陳生在營刊內見倒八段錦的動作，咁就是鬼但
點知個效果好正～聽阿威話好鬼型～
７陳生Killer
玩Killer時，有一次陳生做killer，越玩越係度笑，俾人估中
跟住冇幾耐，又係佢做，一開始就自己狂係度奸笑
Joyce必刻估中佢係killer，當時佢一個人都未殺～
自始之後陳生就採用係咪都笑既策略了～
８強：強！
和Freshmen介紹阿強，話佢係Man of a few words，好少講野
今次ocamp在介紹時，強話”我係阿強”，其實已經好親切
平時問佢叫乜名，只會答：強！
９Chris靈魂出竅
和Freshmen介紹強時，話佢成日訓覺時，我和Miki諗起Chris
回想佢上physi訓到Gur Gur聲，仲流口水時，我和miki就有好大共鳴，笑！
１０秘密．．．．．．


給自己：
我一直都覺得自己係一個偏靜既人，十分內向
回想Joyce叫我拍片，我推左佢，都係因為自己內向的問題
（sorry, Joyce，我好後悔推左你）
今次ocamp其實都見倒我在溝通上真係麻麻
我限制自己唔可以講人的意義，書和投資的話題
最好就唔講自己的話題（如何怎麼，我怎麼因為點解點解）
同freshmen在第二日已經冇乜話題，技窮了．．．．．．
我在別人話題上找話題做得十分失敗．．．．．．
不過今次都算玩得幾放，我好開心，可以真心咁笑出來
好耐都冇試過大笑了～真想大家一齊起一分鐘～
不過，今次ocamp我有一個啟發：
我覺得我的同學好難得，個個都好特別，好好玩
覺得自己好幸運可以讀倒中醫，有班同學
我以前一直得好少朋友，我懷疑過自己係自閉抑或抑鬱証
如果大學冇你地，我真係唔知會點．．．．．．

朋 友：

朋友是什麼?
我想就那些在逆境時會與你渡過, 順境時會高興的人
朋友會尊重你, 你諒解你, 會嘗試去了解你, 分享你的感受的
朋友也不介紹談及自己的事, 向你表達信任.....好多好多.....